Ma dhiig yaraan baa mise waa wax kale?" 🧐

Caafimaadka haweenku wuxuu ku xidhan yahay dheelitirka hormoonnada. Haddii aad dareento in dhiiggaagu ka yaraaday sidii hore, waxa jira arrimo dhawr ah oo saameyn ku yeelan kara:

1.​Isku-dheelitir la’aanta Hormoonnada: Jidhkaagu wuxuu u baahan yahay dheelitirka saxda ah ee hormoonnada (sida estrogen & progesterone) si dhiiggu si caadi ah ugu yimaado.

2.​Walwalka (Stress): Walwalka badan wuxuu saamayn karaa hormoonnadaada, taas oo ka dhigaysa caadada mid yar ama mid aan joogto ahayn.

3.​Isbeddelka Miisaanka: Miisaanka oo mar qura si degdeg ah u kordha ama u dhaca wuxuu yarayn karaa xaddiga dhiigga caadada.

4.​Jimicsiga aadka u badan: Jimicsiga xad-dhaafka ah wuxuu sababi karaa in caadadu yaraato ama xitaa ay muddo istaagto.

5.​Kiniiniyada dhalmada jpojiya ama Daawoyin kale: Qaar ka mid ah daawooyinka loogu talagalay qorshaynta qoyska ama daawooyinka kale waxay ka dhigi karaan caadada mid aad u yar ama way baajin karaan.

6.​Xaaladaha caafimaad sida PCOS: Xanuunada hormoonnada la xidhiidha (sida ugxan-sidaha oo buroyin kaso baxaan) waxay saameeyaan ukun-daynta, waxayna yareeyaan qulqulka caadada.

7.​Dhuubnaanta xuubka minka: Haddii xuubka minka (womb lining) uusan si fiican u dhismin, ma jiri doono dhiig badan oo soo baxa.

​MUHIIM 🚨

​Caadada aadka u yar ama maqan waxaa loo yaqaannaa Hypomenorrhea ama Amenorrhea.

​⚠️ Ha iska indha-tirin haddii:

✅​Dhiiggaaga uu si lama filaan ah u noqdo mid aad u yar.

✅​Dhiigaga caadada oo kaa maqan tahay 2-3 bilood.oo ​ad og tahay inaanad uur lahayn.

✅Adiga oo isku aragto astaamo aan caadi ahayn (xanuun, timo ka soo baxa meelo aan caadi ahayn, ama daal badan).